كل سنة بيطلع اتجاه جديد في عالم الجرافيك ديزاين، لكن السنة دي الاتجاه مختلف تمامًا… الطبيعة بقت هي الملهم الرئيسي للتصميمات! Earthencraft هو الموضة الجديدة في التصميم، وبيقدم طريقة مبتكرة تجمع بين البساطة والجمال الطبيعي. في المقال ده، هنتكلم عن الاتجاه ده بالتفصيل ونشوف ليه بقى تريند، ومميزاته، وعناصره.

‍

إيه هو Earthencraft؟

ده أسلوب تصميم مستوحى من الطبيعة، بيعتمد على الألوان الأرضية زي البني، الأخضر الزيتي، والألوان الطينية، وكمان الأشكال الحرة اللي مالهاش خطوط حادة. الهدف الأساسي منه هو إنه ينقل إحساس بالدفا والبساطة، وكأنك جزء من الطبيعة.

الاتجاه ده كمان بيركز على استخدام خامات طبيعية زي الورق المُعاد تدويره والخشب، وده بيعكس فكرة الاستدامة اللي بقت جزء مهم من تصميمات العصر ده. ولو بتحب الحاجات اليدوية، هتلاقي فيه لمسة شخصية زي الرسومات العفوية والأنماط اللي تحس إنها جاية من الطبيعة نفسها.

‍

عناصر التصميم في Earthencraft

الألوان الطبيعية:

الألوان هنا مستوحاة من الطبيعة، زي البني، الأخضر، والدرجات الطينية. الألوان دي بتدي إحساس بالهدوء والبساطة وبتخلق جو دافي ومريح للتصميم.

الخامات العضوية:

استخدام خامات زي الورق المعاد تدويره، الخشب، والأنسجة الطبيعية بيضيف واقعية للتصميم، وبيحسس المتلقي إنه جزء من الطبيعة.

الأشكال الحرة:

التصميم هنا بيبعد تمامًا عن الخطوط الهندسية الحادة. الأشكال كلها مستوحاة من الطبيعة؛ خطوط ناعمة وانسيابية، وأشكال مش منتظمة لكنها مليانة حياة.

‍

ليه الاتجاه ده هو موضة 2025؟

الاستدامة: العالم كله بقى مهتم بالحفاظ على البيئة، والتصميمات دي بتدعم الرسالة دي باستخدام خامات طبيعية وألوان هادية.

الأصالة: التصميمات دي فيها لمسة إنسانية عفوية، بعيدة عن الشكل الصناعي، وده بيخلق تواصل أعمق مع الناس.

راحة العين: الألوان الهادية والخطوط الحرة بتدي إحساس بالراحة، وده بيخلي التصميم جذاب ومريح.

مناسب لكل حاجة: الاتجاه ده يقدر يخدم مجالات كتير زي البراندينج، المطبوعات، وتصميمات السوشيال ميديا.

‍

خليني أوريلك شوية أمثلة عملية على مشاريع حقيقية علشان تتخيل معايا الدايركشن وتطبيقة بشكل عملي، و،دمج العناصر اللي اتكلمنا عليها عامل ازاي

‍

‍

عاوز تشوف مشاريع اكتر؟ هتلاقيها في اللينك ده

https://www.behance.net/collection/214977575/Earthencraft