إزاي تصمّم ديزاين بالـAI خطوة بخطوة؟

‍

الخطوة الاولى، اكتب فكرتك في شات GPT

فكّر الأول في شكل الصورة اللي عاوزها، اكتب الوصف بالعربي بكل التفاصيل، لو النتايج مش واضحه، اطلب منه يسألك أسئلة تساعدك توضح فكرتك أكتر.

‍

الخطوة التانية، خد الـPrompt الجاهز

بعد ما شات GPT يخلّص معاك الوصف، اطلب منه يطلع Prompt يناسب أي أداة AI زي MidJourney أو FreePik وكل ما يكون الوصف دقيق، كل ما النتيجة تطلع أفضل.

‍

الخطوة التالتة، استخدم الـPrompt في أدوات AI،

ممكن تجرّب أدوات زي: MidJourney، ComfyUI، Freepik AI

اختار الأداة اللي تناسب احتياجاتك أو اللي مرتاح فيها.

‍

محتار بين أدوات الـAI؟, دي أهم الـ Ai Tools اللي بستخدمها في شغلي دايمًا

‍

بستخدم ChatGPT  في استخراج اول نسخه من الصوره والـPrompt اللي ممكن استخدمه برا‍

https://chat.openai.com/

‍

بستخدم Open art علشان اعمل صور High quality بالـAI

‍https://openart.ai/home

‍

بستخدم ImageFX علشان اعمل صور High quality بالـAI

‍https://labs.google/fx/tools/image-fx

‍

بستخدم FreepikAI علشان اعمل صور سريعه بالـAi وكمان علشان اعمل Upscaling للصور واحسّن الكواليتي وكمان التفاصيل بتاعتها

https://www.freepik.com/pikaso/ai-image-generator

‍

‍الخطوة الرابعة، حسّن الصورة بالـUpscaling

لمّا الأداة تطلع الصور، اختار الأنسب ليك، استخدم Tools تعمل Upscale للصورة عشان الكواليتي تبقى أعلى وتحسن التفاصيل الموجودة في الصوره

‍

اخر خطوة، عدّل الصورة بالفوتوشوب،

خد الصورة على Photoshop وعدّلها عشان تناسب هوية البراند والكامبين، غيّر الألوان، الفونتات، أو أي تفاصيل محتاج تظبطها.